பராபவ வருடப்பிறப்பு நல்வாழ்த்துக்கள்

பராபவ வருடப்பிறப்பு நல்வாழ்த்துக்கள். – 14.04.2026. 

பரம் என்றால் உயர்ந்தது.

அபவம் என்றால் மாற்றத்தின் துவக்கம்.

பரமன் என்றால் உயர்ந்தவன்.

பரமாத்மா என்றால் உயர்ந்த ஆத்மா. 

பரம சுகம் என்றால் உயர்ந்த ஆரோக்கியம். 

பரமானந்தம் என்றால் உயர்ந்த ஆனந்தம். 

பரமபதம் என்றால் இறைவனது உயர்ந்த திருவடி. – ஆக

பராபவம் என்றால் உயர்ந்த மாற்றத்தின் துவக்கம். 

இவ்வாண்டில்,

உள்ளத்திலும், இல்லத்திலும், உறவுகளிலும், நட்புகளிலும்,

உழவிலும், தொழிலிலும், 

கல்வியிலும், கலைகளிலும்,

பண்பாட்டிலும் , பகுத்தறிவிலும்

விளையாட்டிலும், விஞ்ஞானத்திலும் ,

அலுவலிலும் ,அரசியலிலும்,

 அனைத்திலும் இப்புத்தாண்டில்

உயர்ந்த மாற்றங்கள் வரட்டும். 

உலகம் செழிக்கட்டும்,

உள்ளங்கள் நிறையட்டும். 

உற்சாகம் பொங்கட்டுமென 

உளமாற வாழ்த்துகிறேன். 

அன்புடன்,

சிலேடை சித்தர் சேது சுப்பிரமணியம்.