ஆமைகள்  அறிவோம்

ஆமைகள்  அறிவோம் 

ஆமை புகுந்த வீடும் 

அமீனா புகுந்த வீடும்

உருப்படாது என்று அன்றே

உரைத்தனர் முன்னோர். 

திட்டமிடாமல் வாங்கிய கடனை

கட்டமுடியாமல் போனால் வரும்

சட்ட நடவடிக்கையே 

அமீனாவின் வருகையாகும். 

புகக்கூடாத ஆமைகள் 

எவையென்று அறிந்தால் – வீடு

சுகப்பட வாழும் வகை 

அகப்படுமே நமக்கு. 

கல்லாமை  அகற்றி கல்விதனைக் கற்றால்

அறியாமை விலகும் ,-விவரம்

புரியாமை இருந்தால் 

புத்தியது மங்கிவிடும் – விளைவு 

தெரியாமை இன்னல் தரும் – எதிலும்

தெளிவில்லாமை நமக்கு 

மனக்குழப்பம் ஏற்படுத்தும்.

பொறாமை உறவுகளை 

புறந்தள்ள வைத்துவிடும்.- பிறரை

மதியாமை  நம்மை 

மதிப்பிழக்க வைத்து விடும் – எதிலும்

முனையாமை நமது மூளையை மழுங்கடிக்கும் – 

முயலாமை இருந்தால் அது முன்னேற்றம் தடுத்து விடும். 

இயலாமை என்றும் இன்னல் புகுத்தி விடும் – உண்மை

உணராமை என்றும் மன உளைச்சல் தந்துவிடும்.

உழைக்காமையால் நமது 

உயர்வு தடைபட்டு விடும் ,

உடல்நலமும் குன்றிவிடும் -தீது

விலக்காமையால் நமக்கு தீமை விளைந்து விடும் – நல்லதற்கு

துணியாமை நமக்கு துன்பம் விளைத்து விடும்- அறிவுரைகள் 

கேளாமை நமக்கு பெருங்

கேடு விளைத்து விடும்.

திட்டமிடாமை செயலைத் திறனற்றதாக்கிவிடும்- சிக்கனம் இல்லாமை நமது

சேமிப்பைத் தடுத்து விடும்.

தன்னம்பிக்கை இல்லாமை

தளர்வைக் கொடுத்துவிடும். 

இவ்வாமைகள் அகற்ற 

ஒவ்வாமை இல்லையெனில் -இன்பம் 

இல்லாமை அகற்றிவிடும் 

இல்லந்தனில் அமைதி வரும். 

தள்ளாமை வரும் முன்னர்

தக்கபடி செயல்படுவோம் ..

அன்புடன் 

சிலேடை சித்தர் சேது சுப்பிரமணியம்.

28.2.2025

 கோயம்புத்தூர்.

தொடர்பு எண்: 99401 93912.