மீண்டும் தொடங்கு….

மீண்டும் தொடங்கு…
____________________________________________ருத்ரா

ஆம் எல்லாம் போட்டாச்சு.
பேட்டரி கட்டை..நவச்சாரம்
பாம்புராணி பல்லி ..ஏன்
பாம்பும் கூடத்தான்.
எல்லாம் கொதிக்கிறது.
ஆவி நிலையில்
இந்த உலகத்தையே துண்டு துண்ட்டாக்கி
மசாலா சேர்த்து..காய்ச்சி
இறக்கி வடிகட்டி
அறுசீர் கழிநெடிலடி
ஆசிரிய விருத்தம்
இல்லை சிந்தியல் வெண்பா
இல்லை அகவல் பா துண்டுகள்
இதெல்லாம் வேண்டாம் என்றால்
நவீனத்துவம் பின் நவீனத்துவம்
மாயாவாதம் கலந்து பிசைந்த‌
தனிமை இருட்டின் யதார்த்தம்
சமூக விடியலின் விழியல் யதார்த்தம்
கிறுக்குப்பிடித்த ஹாலூசினேஷனின்
கலர் கலர் குமிழிகளுடன்
சிக்மண்ட் ஃப்ராய்டின் அகக்குகை பிறாண்டல்கள்
இன்னும் என்ன
எல்லாம் இந்த காகிதத்தில்
பேனாவைக்கொண்டு
வாந்தியெடுத்து…
இந்த துன்பியல் கசாப்புகளைத்தாண்டுவது…
ஓ! மனிதா!
உன் பரிணாமத்தை மீண்டும்
தொடங்கு….!