இறால் கொழுக்கட்டை!
இறால் கொழுக்கட்டை!
காயல் பாரம்பரிய உணவு வகையில் இந்த இறால் கொழுக்கட்டையும் ஒன்று
Ingredients
அரிசிமாவு – 1 கப்
தேங்காய் பூ – 1/4கப்
உப்பு – தேவைக்கு
மஞ்சள்த்தூள் – 1/4ஸ்பூன்
கறிமசாலாத்தூள் – 1/2 டே.ஸ்பூன்
தண்ணீர் – 1/2 கப்
ஒரு பவுலில் பரும் அரிசி மாவினை போட்டு மேலே சொன்ன எல்லா பொருட்களையும் ஒன்றன் பின் ஒன்றாக போட்டு தண்ணீர் சேர்த்து நன்றாக பிசைந்து ஒரு மணி நேரம் ஊற வைக்கவும்.
உள் அடக்கம்:
பல்லாரி வெங்காயம் – 2
சின்ன இறால் – 150 கிராம்
மஞ்சள்த்தூள் – 1/2 ஸ்பூன்
கீரைப்பொடி – 2 டே.ஸ்பூன்
தனிமிளகாய்த்தூள் – 1 டே.ஸ்பூன்
மாசித்தூள் – 1 டே.ஸ்பூன்
உப்பு – தேவைக்கு
தேங்காய் பூ – 5-6 டே.ஸ்பூன்
எண்ணெய் – 2-3 தேக்கரண்டி
கறிவேப்பிலை – ஒரு கொத்து
பச்சை மிளகாய் – 1
Method
Step 1
வாணலியில் எண்ணெய் ஊற்றி காய்ந்த பின்பு பொடியாக நறுக்கிய வெங்காயம் சேர்த்து வதக்கவும் நன்றாக வதங்கிய பிறகு கறிவேப்பிலை பொடியாக நறுக்கிய பச்சை மிளகாய் சேர்க்கவும்.
Step 2
வெங்காயம் நன்றாக கனிந்த பிறகு மஞ்சள்த்தூள், மிளகாய்த்தூள், உப்பு , இறால் , தேங்காய் பூ சேர்த்து நன்றாக கிண்டிவிட்டு வதக்கவும். மூடி போட்டு வேக வைக்கவும்.
Step 3
ஒரு சொட்டு தண்ணீர் இல்லாமல் சுண்ட வதக்கவும். அடுப்பில் இருந்து வாணலியினை இறக்கிய பிறகு கீரைப்பொடி மற்றும் மாசித்தூள் சேர்த்து கிளறிவிடவும். இந்த கலவையினை ஆற வைக்கவும்
Step 4
இந்த கலவையினை ஊற வைத்த அரிசி மாவில் சேர்த்து நன்றாக கைகளை வைத்து பிசைந்து மிடியம் அளவு உருண்டைகளாக செய்யவும். ( எங்கள் வீட்டில் எங்க கம்மா (பாட்டி) இந்த இறால் உருண்டை நான் செய்த உருண்டையின் அளவினை விட மூன்று மடங்கு பெரிசாக செய்வாங்க.. காயல் நகரிலும் பல வீடுகளில் இந்த உருண்டைகளை பெரிசாக தான் செய்வார்கள்)
Step 5
இட்லி சட்டியில் தண்ணீர் ஊற்றி இட்லி தட்டில் இந்த உருண்டைகளை வைத்து மூடி போட்டு 10 நிமிடங்கள் வேக வைத்து எடுக்கவும் சுவையான இறால் கொழுக்கட்டை ரெடி…
நன்றி. ஃபாயிஷா காதர் kayalsamayal.com