மை

(த‌மிழ்மாம‌ணி க‌விஞ‌ர் மு. ஹிதாய‌த்துல்லாஹ்

இளையான்குடி

சிவ‌கெங்கை மாவ‌ட்ட‌ம்)

தாலாட்ட‌ தாய்மை வேண்டும் !

த‌லைநிமிர‌ நேர்மை வேண்டும் !

பாராட்ட‌ திற‌மை வேண்டும்

பாட்டெழுத‌ புல‌மை வேண்டும் !

நாளென்றால் கிழ‌மை வேண்டும் !

ந‌ட்பென்றால் இனிமை வேண்டும் !

ஏர்க்காலால் ப‌சுமை வேண்டும்

எல்லோர்க்கும் ந‌ன்மை வேண்டும் !

உண்மையே உய‌ர்வைக் காட்டும்

உழைப்பொன்றே சிகர‌ம் காட்டும் !

பெண்மையே பெருமை காட்டும் வீண்

பேராசை சிறுமை காட்டும் !

த‌ன்ன‌ல‌ம் பொய்மை காட்டும்

தரித்திர‌ம் வ‌றுமை காட்டும்

இன்ன‌லில் ஒடிந்திடாம‌ல்

இம‌ய‌மாய் உய‌ர்ந்து காட்டு !

த‌னிமையே கொடுமை யென்பேன் !

ச‌ந்த‌ன‌ம் குளிர்ச்சி என்பேன்

இனிமையாய் வாழ்க்கை காண‌

இல்ல‌ற‌ம் ஏற்ற‌ தென்பேன்!

க‌ண‌வ‌னும் ம‌னைவியும் ஓர்

க‌ருத்தொருமித்து வாழ்வாரானால்

இனிமையே இனிமையென்பேன் !

ஈடில்லை இத‌ற்கு என்பேன் !