மழை தூறும் வானில் நீயும் நானும்…..

மழை தூறும் வானில் நீயும் நானும்.. (கவிதை) வித்யாசாகர்!

1
எனக்குத் தெரியும்
அது நீதானென்று;

ஆம்
அது நீ தான்
நான் சுவாசிக்கும் காற்று..
—————————————————-

2
அழகாய் சிரிக்கிறாய்..

நீ சிரிப்பதால்
விண்மீன்கள் உடைந்து விழலாம்..
மேகங்கள் மழையாகப்
பெய்யலாம்..
வானவில்லில் பல வண்ணத்தோடு
உனது முகம் தெரியலாம்..

உன் சிரிப்பிற்குள்
ஒரு உலகமே கூடத் தோன்றலாம்..

எதுவோ
எப்படியோ நடந்துப் போகட்டும்
எனக்கு நீ சிரிக்கிறாய் சிரி, சிரித்துக்கொண்டேயிரு
நான் பார்த்துக்கொண்டே இருப்பேன்!!
—————————————————-

3
உற்றுப்பார்
நீ தொடுமிடத்தில் தான்
நானும் தெரிகிறேன்,

உனக்கும் எனக்கும்
ஆண் பெண் தவிர்த்து
மனசுக்கு வேறு வேறுபாடில்லை..
—————————————————-