கவிதைகள்!

சாதனை

எல்லோரும் பாரட்டினார்கள்

மகிழ்ந்தார்கள் – அவன்

எதையோ பெரிதாக சாதித்து விட்டான் – என்று!

ஆனால்- அவனுக்கு இல்லை!

யாருக்கு தெரியும்

அவன்

வெற்றியின் பின்னாலும்

ஒரு பெண் தான்

வேறொருவனின் மனைவியாக!

 

சமுதாய சிந்தனையாளனாகத்தான்

இருக்கிறோம்!

அந்த பிரச்சனை வேறுவுடையவனதாக

இருக்கும் பட்சத்தில்!

 

இதுதான்! இக்கரைக்கு அக்கரை பச்சையோ

 

அவனை

பார்க்கையில் – கண்களில்

பெரிதாக

மின்னும் பொறாமை

நாமும் அவனை – போல

“தானுண்டு தன் வேலையுண்டு” -என

அவனுக்கும் – தான்

இவனை போல -“ஒரு அன்பான

காதல்  கணவானாக வாழ

முடியவில்லை” – என!.

 

சில நியாங்கள் இப்படி!

அவளுக்கு

அவனை

பிடிக்கு என்பதாலேயே

அவனுடைய தவறுகள்

நியாமாக்கப்பட்டது!

 

தகுதி

தீர்ப்புகள் கூட

மாற்றப்படுகிறது

தகுதிக்கு தகுந்தாற்போல!

 

பதில் இல்லாத கனவுகள்

கனவுகள் கூட

கரை சேர்ந்து விட்டது

அவனுடைய கல்லறையில்!

—

என்றும் அன்புடன்,
மணிமுத்து