முதுமைக் காதல்
அளவு கோலில்லை என்றே கூறுகின்ற
அன்பின் முகவரி கொலுசு
முதுமை வந்தாலும் பெரிசு
மேவும் காதலையும் இப்படிச் சொல்லுகின்ற
மேன்மை மிகுந்த பரிசு
என்னவள் தியாகங்கள் விரிக்கும்
என்ணி லடங்காத சேவைகள் சொல்லித்தான்
சின்னக் கொலுசால் சிரிக்கும்
கழுத்தில் கட்டியது தாலி
காலம் முழுவதும் இணைந்து வாழ்பவளின்
காலில் அன்பின் வேலி
கட்டிய கணவனுக்கு அன்று
கழுத்தை நீட்டி மணம்கொண்டு வாழும்நான்
காலால் பணிவேன் இன்று
சிரத்தை யுடனிவரும் எனக்குச்
சிரிக்கும் கொலுசுகள் பரிசாய்த் தருவதனால்
சிறிது முண்டோ பிணக்கு?
முதுமை காட்டுவதோ ”முகவரிகள்”
முழுமை அன்பைக் காட்டுகின்ற பரிசிலிற்றான்
முழுதும் அன்பின் முகவரிகள்
கரையைக் கடந்துவந்த நிலையிலும்
காலத் தூரிகை வரைந்திட்டக் கோலங்கள்
காதல் மட்டும் நிலைக்கும்
— அதிரை கவியன்பன் கலாம், அபுதாபி
KALAM SHAICK ABDUL KADER
ACCOUNTANT
GRANITE CONSTRUCTION COMPANY
POST BOX 842
ABU DHABI UAE
MOBILE 0508351499