‘தமிழ்மாமணி’ கவிஞர் மு. ஹிதாயத்துல்லாஹ்
இளையான்குடி
அழைக்க : 99763 72229
இப்போதெல்லாம்
மண்பாண்டங்களைப்
பார்க்கவே … முடியவில்லை !
எப்போது
அடுப்பங்கரை
கிச்சன் ஆனதோ …
அதுமுதல் …. பார்க்க முடியவில்லை !
யாருக்கேனும்
கோபம் வந்தால்
உடைவது என்னவோ…
மண்பாண்டங்கள் தான் !
ஆனால்…
அந்த வலி …. யாருக்கு ..?
அதைச் செய்தானே
குயவன் அவனுக்குத்தான் !
எந்த ஊர் மண்ணெடுத்து
எப்படிச் செய்தானோ…?
பசியோடு செய்தானோ..? கலை
ருசியோடு செய்தானோ..?
அந்த மண்பாண்ட
சமையலில் மட்டும்
தனி ருசி !
இதுபற்றி …
விஞ்ஞானமும்
இன்னும் சொல்லவில்லை !
எத்தனை கொக்கோகோலாக்கள்
வந்தாலும்
மண்பானைக் குடிநீர்
சுவையை தந்திட முடியாது !
ஆரோக்கிய வாழ்வுக்கு
லைப்பாய் .. மட்டும் தானா… !
மண்பாண்ட சமையல் என்று
இந்தத் தலைமுறையினர் அறிவாரா…?
நம் பாட்டியிடம்
கதை கேட்கிறோம் !
இன்னும் ஏதேதோ.. கேட்கிறோம்
மண்பாண்ட சமையல் ருசி
ரகசியத்தைக் கேட்டிருக்கிறோமா..?
இப்போது .. இடைவேளை !
இதுபற்றிக் கொஞ்சம் யோசிப்போம் !
