‘தமிழ்மாமணி’ கவிஞர் மு. ஹிதாயத்துல்லாஹ்
இளையான்குடி
அழைக்க : 99763 72229
சிந்தனைச் செல்வர்
சிராஜுல் மில்லத்தின்
சிந்தையில் உதித்தாய் – பல
விந்தைகள் பதித்தாய் !
மணிச்சுடரே வாழ்க பல்லாண்டு ! உன்
மகத்துவங்கள் தொடரட்டும் நூறாண்டு !
இருப்பத்தி ஐந்தாண்டு
இயக்கப்பணி செய்தும்
இன்னும் இளமைதான் உனக்கு ! – மணிச்சுடர்
கணிக்கும் கணக்கே கணக்கு !
அரசியல் ஆன்மீகம்
அறிவியல் என்றெல்லாம்
பேசும் உன் பெருமை நமக்கு – மார்க்கம்
பேணாதவரைத் தாக்கும் உன் வாக்கு !
எல்லோரும் மேலேற
ஏணியாய் நிற்கின்றாய் !
நல்லோர்கள் வாழ்த்து உனக்கு ! – உன்
நடையே முன்னேற்றப் போக்கு !
முஸ்லிம் லீக் வாழ
மூச்சுவிடும் உன் பணிகள்
காலத்தால் உயர்ந்து நிற்கும் ! – மணிச்சுடர்
கைகளே .. ஓங்கி நிற்கும் !
சமுதாய நாளேடு
சரித்திரக்கையேடு
உனக்கெது இருக்கிறது ஈடு ! – இதை
உணருமே சமுதாயம் மதிப்போடு !
இனிவருங்காலம்
இளைஞர்கள் காலம்
இளைஞரின் படைப்பை
மணிச்சுடர் ஏற்று
வலம் வர வேண்டும் என்பதேயென் ஏக்கம் ! – சில
வரலாற்றுத் தொடர்கள் வந்தால் பேரூக்கம் !
