பெருமை
பெரிதினும் பெரிதாய்ப் பெருமிதம் கொள்வாய்
அரிதினும் அரிதாய் அவனியில் வந்தாய்
வாய்ப்புகள் உனக்கு வழங்கியோன் யார்தான்
வாய்களால் அவனை வழுத்தியே போற்று
பெருமையும் புகழும் பெரியவன் பெற்றான்
பெருமிதம் மிளிரப் பெரிதெனப் போற்று
பெறுதலில் மிகவும் பெருமிதம் கொள்ள
மறுதலித் திடாத மறுமொழி நன்றி
உடலுடன் உளமும் உணர்வுகள் எல்லாம்
திடமுடன் நமக்குத் திகழவே தந்தான்
புலன்களும் அறிவும் பேறுக ளாக
நலமுடன் வழங்கும் நாயனைப் போற்று
தமிழையும் நமக்குத் தாயின் வழியாய்
அமிழ்தெனப் பெறுதல் அனைத்திலும் பெருமிதம்
கவிஞனாய்ப் பிறந்ததில் கர்வமும் பெருமிதம்
புவியினில் பெறுவதும் புகழெனும் பெருமிதம்
—
Tags: பெருமை