உலக அருங்காட்சியகங்களினூடே ஒரு பயணம் – நூல் அறிமுகம்

உலக அருங்காட்சியகங்களினூடே ஒரு பயணம் – நூல் அறிமுகம் – முனைவர் க.சுபாஷிணி

மியூசியம் என்றால் தான் பலருக்குப் புரியும்.. அருங்காட்சியகம் என்றால் என்ன என்று கூட சிலர் கேட்பார்கள்.. ஆனால் நான் ஒரு வகையில் அருங்காட்சியகப் பிரியை என்று தான் சொல்வேன். கடந்த இருபது ஆண்டுகளில் நான் சென்று வந்த உலக அருங்காட்சியகங்களின் எண்ணிக்கை 900க்கும் மேலிருக்கும் எனலாம்.. அவற்றில் ஏறக்குறைய 200 அருங்காட்சியகங்களின் கட்டுரைகள் இதுவரை எழுதியிருக்கின்றேன். அவற்றுள் தேர்ந்தெடுக்கப்பட்ட 30 அருங்காட்சியகங்களைப் பற்றிய படங்களுடன் கூடிய முதல் தொகுப்பு ஆழி பதிப்பகத்தின் வெளியீடாக இந்த ஆண்டு ஜனவரி மாதம் வெளிவந்தது. அந்த நூலில் நான் எழுதியிருக்கும் சில அருங்காட்சியகங்கள் பற்றி இந்தச் சிறிய பதிவில் விளக்குகின்றேன்.