கலைஞரின் பேனா

கலைஞரின் பேனா .கலைஞரின் கைப் பேனா ,

கவின்மிகு மைப்பேனா ,

கவிதை பல வடித்த பேனா ,

கதைகள் பல எழுதிய பேனா,

காவியங்கள் பல படைத்த பேனா,

தொல்காப்பியம் விளக்கியபேனா

குறளோவியம் படைத்த பேனா,

தமிழன்உறக்கம் கலைத்த  பேனா,

முரசொலியில் எழுதிய முத்துப்பேனா,

எண்பத்தைந்து ஆண்டுகள் எழுதிக் குவித்த பேனா. 

 எழுச்சிபெற  வசனம் எழுதிய இரும்புப் பேனா ,

தொண்டர்களைக் கவர்ந்த 

துடிப்பான பேனா , 

எதிர்த்தோரை கலங்கடிக்கும்

எஃகுப் பேனா, 

நெஞ்சுக்கு நீதி தனை படைத்த பேனா ,

ரோமாபுரிப் பாண்டியனை வடித்த பேனா ,

பொன்னர் – சங்கர் சரித்திரம் உரைத்த பேனா .

இராமானுஜ காவியம் படைத்த பேனா ,

வங்கக் கடற்கரையில் அமையவிருக்கும் பேனா ,

தங்கத் தமிழ்த் தலைவனின் சிறந்த பேனா .

சிரந்தாழ்த்தி வணங்க வைக்கும்

சிறந்த பேனா.

சிலேடை சித்தர் சேது சுப்பிரமணியம்.

7.8.2022.