ஹஜ் எனும் ஓர் அற்புதம்
சாந்திச் சரணா லயமாம் – ஹஜ்ஜில்
…………சாரும் புவியின் முதலா லயமாம்
ஏந்திப் பிரார்த்திக்கும் ஆங்கே—அருள்
………….இறங்கிடும் ஹாஜிகட்கு நன்மையும் பாங்கே
தந்தைஇப் றாஹிம்பாங் கோசை- இந்தத்
……….…தரணியில் மக்காவின் ஈர்ப்பு விசையாம்
சிந்தையிட் சேருமிறை போதம்- ஆங்குச்
……………சேர்ந்தே ஒலிக்கும் திருமறை நாதம்
அரபு நாட் டுக்குள்ளோர் நாடு – அங்கே
…….….அகிலமுஸ் லிம்களின் கூட்டுமா நாடு
மரபு வழிகளில் தேடல் -புவி
……..….மனித நதிகளின் சங்கமக் கூடல்
வெள்ளை யுடையில் மகிழ்ச்சி – மக்கள்
……வெள்ளத்தால் மக்கா நகரம் நெகிழ்ச்சி
உள்ளம் அழுக்கினைப் போக்கும் —அங்கே
………உள்ஹிய்யா என்பதும் இந்தநல் நோக்கம்
நிலவதும் நாணியே கேட்கும் – ஹாஜி
… நிலவிடும் பேரொளி உன்னிப்பாய்ப் பார்க்கும்
உலவும் சமத்துவம் மெய்க்கும் — உண்மை
…….உலகம் தெளிந்திட நாட்டியே வைக்கும்
_அதிரை கவியன்பன் கலாம், துபை.