புத்தாண்டு வாழ்த்துக்கள்
அல்லாவுக்குகந்த நாளாம்
வெள்ளியில் பிறக்கும் ஆண்டில்
அல்லாவின் கருணையாலே
அனைவருக்கும் ,அனைத்துமே
நல்லபடி நடக்க வேண்டும் .
நன்மையே விளையவேண்டும்
எல்லா வளமும் சேர்ந்து
ஏற்றமாய் வாழவேண்டும் .
பொல்லாத எண்ணமெல்லாம்
பூமியில் புதையவேண்டும்
இல்லாமை நீங்க வேண்டும்
இறை பக்தி ஓங்கவேண்டும்.
கொல்லாமை நிலவ வேண்டும்
குற்றங்கள் குறையவேண்டும் .
எல்லா மதத்தினரும்
இணக்கமாய் வாழவேண்டும்
நல்லோர்கள் தலைமை தாங்கி
நல்லாட்சி புரியவேண்டும் .
வெள்ளமும் ,வெயிலும் நமக்கு
வேண்டிய மட்டுமே வேண்டும் – நல்ல
உள்ளங்கள் உதவியாலே
உறுபசி நீங்க வேண்டும்
அறுமுறை தொழுது குர்-ஆன்
வழிமுறை வாழ வேண்டும்
அறவழி வாழ வேண்டும்
அமைதியே நிலவ வேண்டும்.
சிலேடை சித்தர் சேது சுப்ரமணியம்
Tags: புத்தாண்டு வாழ்த்து
