புதிய பெண்ணே புறப்படு

மகளிர் தின வாழ்த்துக்கள்

புதிய பெண்ணே புறப்படு

மனு சொன்ன இழிவும்
மதம் சொன்ன ஈனமும்
வதம் செய்யும் (மனித)மிருகமும்
அதம் செய்ய புறப்படு..!!!

அடக்கம் என்பார் அடிமையாக்க
ஒழுக்கம் என்பார் ஒழித்துக்கட்ட..!!
கயமை ஒழிய புறப்படு- அவர் முகத்தில்
காறி உமிழ புறப்படு…!!!

பெண்மை சொல்லாமல்
ஆணுக்கேது ஆண்மை??
மனைவி இல்லாமல்
மனிதனுக்கேது பெருமை???

வெஞ்சினும் கொஞ்சினும்
மிஞ்சினும், வஞ்சியவள்-கொஞ்சி
புஞ்செயினும் புருஷன் எனும் மடமை தனைமாற்ற
நஞ்சையேனும் கலந்துவிடு நாசமாய் போகட்டும் …!!

பெண்ணில்லை என்றால்
மண்ணில்லை புரிய வைத்திடு..!
கண்ணியப்பெண்ணாய் கல்விகொண்டு
பெண்ணியத்திற்கு பெருமை சேர்த்திடு..!!

கமல. அருள் குமார்..