குடித்தவன் வாழ்க்கை …..
குடித்தவன் வாழ்க்கை …..
திருச்சி A.முஹம்மது காசிம்
ஜித்தா – சவூதி அரேபியா
- குடிகாரன்
ரோட்டில் மயக்கத்தில்!
குடும்பத்தினர்
வீட்டில் கலக்கத்தில்!
- குடிக்க துவங்கிய போது,
அவன் வீட்டில்
வறுமையும் குடியேற துவங்கியது!
- மது அவனைக் குடிக்கும் முன்,
குடுவையில்
அவன் ஆயுளை அளந்து கொண்டான்!
- முதலில்
மதிகெட்டுப் போனது !
போதையில் பாதை மாறிப் போனது!
- கடைசியில்
வாழ்க்கை தறிக்கெட்டுப் போனது
அவன் விதியே கோரமாய் முடிந்துப் போனது!
- கோமான்கள் கோபுரத்தில்
குடித்து அடிக்கும்
பெருமை கொண்டாட்டம் !
- குடிசைவாசிகள்
வயித்துக்கே வழியின்றி
வறுமையில் திண்டாட்டம் !
- அப்பன்
குடியை தொட்டான்
பையன்
பாதியில் படிப்பை விட்டான்
- மில்லியில் துவங்கிய குடியால்,
வீட்டில் உள்ள சல்லியும்
மில்லியானது!
- கவலையை போக்க,
கணவன்
கள்ளை குடிக்க போனான் !
வறுமையை போக்க,
மனைவி
கல்லை உடைக்க போனாள் !
- “குவாட்டர் “அடிக்கும் போது,
குடும்பத்திற்கு
தெரியவில்லை!
“ஃபுல்” அடித்து வந்த போதுதான்,
புரிந்துக் கொண்டாள்
மனைவி !
- குடித்தவன்
வாழ்க்கை
பாடையில் முடிந்ததுவிட்டது!
குடும்பத்தினர்
வாழ்க்கை
வீதியில் தொடங்கிவிட்டது!
- குடியினால்
அழிந்த ராஜ்யங்களின்
சரித்திரங்கள் அதிகம்!
குடியினால்
குடும்பங்களில் விளைந்த
தரித்திரங்களும் அதிகம்!
****************************************************************************************************************