போதவிழ்ந்து புன்சிரிக்கும் போதெழுந்த பூமணம்
மோதுதென்றல் மீதமர முன்னுதற்போல் உன்மனம்
ஓதமண்ணின் உட்புறத்தில் ஓடிவிட்டாய் நீயிலா
யாதுமிங்குக் கண்ணிருடன் யாத்திரையாய் ஆகலாம்
நீலவண்ண வானதிர நீவளர்த்த சாதனை
கோலவண்ண பூமியிலே கோத்திருக்கும் போதனை
ஞாலவண்ண மாணவரும் நானிலத்தில் வேதனை
காலமுன்னை கூப்பிடவே காலமென ஆகலாம்
ஞாலவண்ண மாணவரும் நானிலத்தில் வேதனை
காலமுன்னை கூப்பிடவே காலமென ஆகலாம்
கானுலவும் ராமநாத காற்றினிலே வீசிடும்
வானுலவும் ஆவியது வந்துவந்து பேசிடும்
தானுலவும் பாதையினைச் சார்ந்திருந்தால் ஆ..கலாம்
ஊன்முழுதும் நீநிறைந்தால் உன்புகழாய் ஆகலாம் !
–அதிரை கவியன்பன் கலாம், அபுதாபி
Tags: கலாம்
