வெளிச்சத்தில் மட்டுமல்ல
இருட்டிலும்
என்னைத் தொடரும்
நிழல்
கருவில் வாங்கிய கடன்
கண்ணை மூடிய பிறகும்
அகல்வதில்லை
என் சேமிப்புப் பெட்டி முழுதும்
காலிசெய்ய முடியாமல்
நிரம்பி வழிகிறது
கடன்
என் பக்தி
கடவுள் கொடுத்த கடனைத்
தீர்ப்பதல்ல;
புதிய கடனுக்குப் போடும் விண்ணப்பம்
கடன் தருவதற்குக்
கடனாளிகளிடம்
என்ன இருக்கிறது?
நமக்குத் தெரிந்ததெல்லாம்
கடனை
இடம் மாற்றி விடுவதுதான்
உடல் சுமப்பது
உயிரையல்ல;
கடனை
