விடுதலை
விடுதலை
பிறப்பு என்பது கருவின் விடுதலை
இறப்பு என்பது உயிரின் விடுதலை
சிரிப்பு என்பது துன்பத்தின் விடுதலை
வெறுப்பு என்பது சினத்தின் விடுதலை
கற்றல் என்பது கல்லாமையின் விடுதலை
நிற்றல் என்பது கற்றலின் விடுதலை
செல்வம் என்பது வறுமையின் விடுதலை
வீரம் என்பது கோழையின் விடுதலை
புண்ணியம் என்பது பாவத்தின் விடுதலை
கண்ணியம் என்பது கயமையின் விடுதலை
புதுமை என்பது பழமையின் விடுதலை
முதுமை என்பது இளமையின் விடுதலை
பகுத்தறிவென்பது மடமையின் விடுதலை
பரந்த அறிவென்பது பாமரன் விடுதலை
காலை என்பது இரவின் விடுதலை
மாலை என்பது பகலின் விடுதலை
பிரிவு என்பது உறவின் விடுதலை
தெளிவு என்பது தேக்கத்தின் விடுதலை
சொர்க்கம் என்பது நரகத்தின் விடுதலை
சுதந்திரம் என்பது அடிமையின் விடுதலை
விடுதலை வேண்டும் மானிடரெல்லாம்
விடுதலை பெறுவீர் ,வீருகொண்டெழுந்தே .
Tags: விடுதலை