மே தின வாழ்த்துக்கள்
மே தின வாழ்த்துக்கள் .
உழைப்பின் பெருமையை அறிவோமே
உழைத்தே உயர்வினைப் பெறுவோமே .
உழைத்தால் நன்மை கிடைத்திடுமே .
உழைத்தல் உடல்நலம் காத்திடுமே .
உழைத்தல் திருப்தி அளித்திடுமே
உழைத்தால் உணவு செரித்திடுமே .
உழைத்தல் உரிமைகள் காத்திடுமே .
உழைப்பாளிகளை எந்நாளுமே .
உலகம் போற்றிப்புகழ்ந்திடுமே .
உழவன் உழைப்பில் உலகமே
உணவுப்பசியை வென்றிடுமே .
ஆசிரியர்களின் உழைப்புதான்
அறிவுப்பசியைப் போக்கிடுமே
ஆலைத் தொழிலாளர் உழைப்பினிலே
ஆலைகள் என்றும் வளம்பெறுமே .
ஒவ்வொரு தொழிலும் மேம்படவே
உழைப்பே என்றும் அடித்தளமே .
உழைப்பில்லையேல் இயக்கமில்லை
பிழைப்புமில்லை , பெருமையில்லை ,
வாழ்வுமில்லை , வளமுமில்லை ,
என்பதை நமக்கு உணர்த்திடவே
மே மாதத்தில் முதல் தினமே
உழைப்பாளர் தினம் ஆகிடுமே .
அன்புடன் ,
சிலேடை சித்தர் சேது சுப்ரமணியம்
Tags: மே தின வாழ்த்துக்கள்