நாமும் கலாம் ஆகலாம்!

எல்லோருமே கல்வி கற்கலாம் – ஆனால்

திட்டமிட்டுக் கற்றோமெனில் நாமும் கலாம் ஆகலாம்!

எல்லோரும் பொருளீட்டவே உழைக்கலாம் – ஆனால்

உழைப்பு என் நாட்டிற்காகவே என்றால் நாமும் கலாம் ஆகலாம்!

எல்லோரும் கதைபேசி காலம் கழிக்கலாம் – ஆனால்

கதையாக உருவாக நாமுழைத்தால் நாமும் கலாம் ஆகலாம்!

கடமை கண்ணியம் கட்டுப்பாடு சொல்லி மகிழ்விக்கலாம் – ஆனால்

அதைக் கட்டாயம் வாழ்வில் கொண்டால் நாமும் கலாம் ஆகலாம்!

அடுக்குமொழிபேசி அழகாய் மேடையை அலங்கரிக்கலாம் – ஆனால்

கண்ணியத்துடன் கனிவாய் பேசினால் நாமும் கலாம் ஆகலாம்!

இப்புவியின் மேல்வந்து யாரும் பிறக்கலாம் – ஆனால்

இப்புவியைக் காக்க ஒருமரம் நட்டால் நாமும் கலாம் ஆகலாம்!

கண்மூடித் தூங்குவோரனைவருக்கும் கனவு வந்துபோகலாம் – ஆனால்

கண்மூடச் செய்யா கனவு கண்டால் நாமும் கலாம் ஆகலாம்!

அவர் கொண்ட நற்குணங்கள் எங்கும் விதைக்கலாம் – வாருங்கள்

நம் இந்தியாவை வல்லராசக்கி வாழ்ந்தும் பார்க்கலாம்!