தித்திக்கும் தை மாதம்

ஈரைந்து திங்களில் தமிழன்னை பெற்ற

மஞ்சள்நூல் பூலாவேம்பூ மாவிலைத் தோரணம்

வீடுவெள்ளை அடித்து   வரவேற்கும் காரணம்

பழையன கழித்து புதியன புகுத்து

அகக்குப்பைப் போக்கி அகமகிழ போகி

உலகத் தேருக்கு அச்சாணி உழவன்

வறுமையில் உழன்றாலும் உணவளிக்கும் இறைவன்

பரிதிக்கு பணிவுடன் பொங்கலும் கரும்பும்

பண்டங்களுடன் உறவுகளைக் காணமனதும் விரும்பும்

கிருமிநாசினி தெளித்து வண்ணமாக் கோலம்

விஞ்ஞானம் விளக்கும் தமிழன் கலாச்சாரம்

கரகாட்டம் ஒயிலாட்டமென கலை நிகழ்ச்சி

மயிலாட்டம் கும்மியென மனதிலே மகிழ்ச்சி

காளையருக்கு ரேக்ளா சல்லிக்கட்டு மஞ்சுவிரட்டு

கலப்பினமாட்டால் கலகம் செய்தால் அடித்துவிரட்டு

– அபிநயா,துபாய்.