சித்திரை
நிலையாமை நில்லா இடம்நின்று நாமும்
மலையாக நிற்கும் இடர்தீர்ப்போம் -தூய்மை
நிலையால் துதித்து இறையருள் பெற்றாண்டை
கலையாக காண்போம் நாம்
ஆண்டின் துவக்கம் அருமை துவக்கமாய்
வேண்டின் பெருமை துவங்குமே -பத்திய
புத்தியால் வேதன் துணையுடன் கொள்வோம்
புத்தாண்டை முத்தாண்டாய் நாம்
சித்திரையின் தோற்றமே நித்திரையின் கூற்றமென
எத்தனிக்கும் யாவுமே தித்திக்கும் – என்றுமே
எத்துணையும் சாரா தியங்குவனை சார்வதினால்
அத்துணையும் சேர்ப்போம் நாம்