கனவே கலையாதே….

—–கண்டதெல்லாம் காட்சியாகும் வரை!!!

நாடுகள் என்ற கோடுகள் இல்லா ஓருலகம் கண்டேன்;

நீர்பறவைகளும், நிலப்பிறாணிகளும் நிலாவில் உலாவிட கண்டேன்;

மனிதத்ததையே புனிதமாக்கிய புதிய தலைமுறை கண்டேன்;

மதங்களைப்போற்றி மாற்றாரை மதிக்கும் மானிடரைக்கண்டேன்;

மரங்களும் மனங்களும் மனிதர்க்கு நிழல் தரக்கண்டேன்;

ஈரம் காயாத இதயங்கள் கண்டேன்;

ஈகை பேணிடும் இமயங்கள் கண்டேன்;

பணத்தையே பைத்தியமாக்கும் ஊழல் ஒளிந்ததை கண்டேன்;

பிணத்தையும் பெண்ணாய்ப்பார்க்கும் பித்தர்கள் ஓய்ந்ததை கண்டேன்;

பார்வைகளை பரித்துப்போன பிரதேச கலாச்சாரங்கள் அழிய கண்டேன்;

வங்கிகளின் வாயுள்ள கால்நடைகளாய் இருந்த வர்கமொன்று,

விடுதலையானதைக் கண்டேன்;

வணிகமில்லா வகுப்பறிவும் பகுத்தறிவும் பரவிடக் கண்டேன்;

வயிற்றிற்க்கும் வாயிற்க்கும் போராடியவர் வயிராறுவதைக் கண்டேன்;

சாலையோர திருவோடுகளெல்லாம் சரித்திரம் படைக்கும் கேடையங்களாக கண்டேன்;

சட்டமும் ஒழுங்கும் சமரசம் செய்யக் கண்டேன்;

நீதித் தாயின் கண்கள் அவிழ்ந் திருப்பதை கண்டேன்;

நதிபோல் நீதியும் தூய்மையுறக் கண்டேன்;

குடங்களெல்லாம் குப்பையில் மிதக்கக்  கண்டேன்;

குழாய்களில் குடிநீர் தித்திக்கக் கண்டேன்;

கிழிசல்களைத் தைக்கும் ஊசியாய் இளைஞர்களைக் கண்டேன்;

சோம்பலும் சுயநலமும் சோர்வடையக் கண்டேன்;

முகவரி இல்லா முதியோர் இல்லம் கண்டேன்;

முற்றத்தில் ஆறும் ஆறுபதும் ஆடிப் பாடக் கண்டேன்;

பீடிகளும், பட்டாசுகளும் பிஞ்சுவிரல்களை வெறுக்கக் கண்டேன்;

கொலைக்கும் கொள்ளைக்கும் என் குழந்தைகள் அர்த்தம் கேட்க கண்டேன்;

புழங்கக்கூடாத புனர்தலை புறக்கணிக்கும் ஆண் பெண்  கண்டேன்;

மெய்களெல்லாம் மெருகேற கண்டேன்;

பொய்களெல்லாம் புரண்டோடக் கண்டேன்;

அரண்கள் அனைத்தும் அரேங்கேறக் கண்டேன்;

அநியாயங்கள் அழிந்தொழிந்ததைக் கண்டேன்;

விதைகளெல்லாம் கனிகலாகக் கண்டேன்;

மானுடமெல்லாம் மாறிய மண்ணில்;

பிறக்கும்  குழந்தை சிரிக்கக் கண்டேன்…;.

கண்டதெல்லாம் கனவோ என்ற ஐயம் ஏழவே,

கண்விழித்தேன் தூக்கத்திலிருந்து…

mmabu@yahoo.com