கனவு

கனவு

         கண்ட கனவின் உச்சத்தினால்
நாம் இந்த முன்னேற்றத்தின் உச்சியில்
ஆனால்  ,

         கனவின் ஓட்டமோ…
தறிகெட்டு ஓடும் காளைப்போன்றது

நிறுத்தினாலும் நிற்காதது
கட்டுக்குள் அடங்காத காற்றை போன்றது

        நேற்று கண்ட கனவில்
விளைந்த விளைச்சலையும்
காண நேரமின்றி
அடுத்த கனவின் ஓட்டத்தில் மனிதன்

       கையிலுள்ள விளைநிலமும்
தரிசு நிலமாகத் தோன்றுமே
காணும் கனவினால்

       கனவு என்பது அழகானது
இயற்கையின் வளத்தை சுரண்ட நினைப்பது
அடுத்த தலைமுறை பற்றி கவலைப்படாதது
சுயநலமானது
எனவே கனவு ஆபத்தானது

       நிதர்சன உலகமே பாதுகாப்பானது
அது உண்மையானது
பாதிப்பு குறைவானது
நிம்மதியுடன் வாழ உதவுவது.

      திருமதி. ஸ்ரீவிபா.