P.M. வாஹிதியார்
விடிந்தால்
தங்கையின் திருமணம்
மாப்பிள்ளை பெரிய இடமாம்
அழைப்பிதழ் பார்த்தாலே தெரிகிறது
தங்கையின் தோழிகளை நாங்களும்
எங்களை அவர்களும் பார்க்க
‘ஷாக்’ அடிக்காத மின்சாரம்
அண்ணனின் உலகமே வேறு
நண்பர்களுக்கு பார்ட்டியாம்
மூழ்கிவிட்டான் முத்தெடுக்க …
விடிந்தது
மாப்பிள்ளையை காணவில்லை
அதோ !
‘சேரா’ப் பூவால் மூடிவிட்டார்கள்
தான் கொடுக்கும் மஹர்தொகை
ஐநூற்று ஒன்றை
கூச்சமின்றி அறிவித்தனர்
வாங்கிய சில லகரத்தை மறைத்து…
சீரணிக்காத – சீரழிக்கப்பட்ட
விருந்து
விரயமாக்கப்பட்ட பொருள்
ஒரு சுன்னத்தை நிறைவேற்ற
இன்னும் எத்தனை
ஹராம்களை செய்வோம் ?
நன்றி : சிந்தனை சரம்
அக்டோபர் 2007
Tags: திருமணம்
