உலக புகையிலை எதிர்ப்பு தினம் 31.5.2020
கவிஞர் இரா .இரவி
புகையிலைப் பழக்கம் ஒழிப்போம் ! கவிஞர் இரா .இரவி !
.புகையிலைப் பழக்கம் ஒழிப்போம் !
கவிஞர் இரா .இரவி !
புகையிலையால் இழந்த உயிர்கள் போதும் !
புகையிலைப் பழக்கத்தை நிறுத்தினால் போதும் !
புகையிலைப் புகைப்பது ஒழுக்கக் கேடு !
புகைத்துத் திரிவது உயிருக்குக் கேடு !
பகை உடல் நலத்திற்கு உணர்ந்திடு !
புகை பிடிக்கும் பழக்கம் உயிர்க்கொல்லி !
தனக்குத்தானே வைக்கும் சுய கொள்ளி !
தானாக முடிவெடுத்து வைத்திடு தள்ளி !
தீமை என்று தெரிந்திருந்து போதும் !
தீய புகையிலை புகைப்பது முறையோ !
பகுத்தறிவைப் பயன்படுத்தி யோசித்தால் !
பயன்படுத்த மாட்டார்கள் புகையிலை !
வாழை இலையில் உணவு உண்பது நல்லது !
புகையிலைப் புகைப்பது மிகவும் கெட்டது !
உடலை உருக்கும் கொடிய புகையிலை !
உயிரைக் குடிக்கும் கொடிய புகையிலை !
நுரையீரலை புண்ணாக்கும் நச்சு புகையிலை !
நூதனமாய் உயிர் பறிக்கும் புகையிலை !
நடிகரைப் பார்த்து புகைப்பதை நிறுத்து !
நல்லதை மட்டும் நெஞ்சில் நிறுத்து !
உடல் நலத்திற்குக் கேடு புகையிலை !
உயிருக்குப் பகை கொடிய புகையிலை !
நண்பனைப் பார்த்து நல்லத்தைப் பழகு !
நண்பனைப் பார்த்து கெட்டதை விலக்கு !
புகையாய் உள் நுழையும் புகையிலை !
புற்றுநோயைப் பரிசாகத் தரும் புகையிலை !
தொட்டில் பழக்கம் சுடுகாடு மட்டும் !
என்பது அன்று சொன்ன பழமொழி !
புகையிலைப் பழக்கம் விரைவில் உன்னை
சுடுகாட்டுக்கு அனுப்பும் இது புது மொழி !
கையால் தொடாதே புகையிலை !
உதட்டில் வைக்காதே புகையிலை !
முயன்றால் முடியாதது எதுவுமில்லை !
முயன்று வைத்திடு முற்றுப்புள்ளி !
சிகரெட் ( வெண்சுருட்டு ) ! கவிஞர் இரா .இரவி
இழுக்க இழுக்க இன்பமன்று
இழுக்க இழுக்கத் துன்பம்
சிகரெட் !
புண்பட்ட மனதைப் புகை விட்டு
புண்ணாக்காதே மேலும்
சிகரெட் !
விரைவில் சாம்பலாவாய்
உணர்த்தும் சாம்பல்
சிகரெட் !
புகையில் வளையம்
உனக்கான மலர்வளையம்
சிகரெட் !
நடிகரைப் பார்த்துப் புகைக்காதே
உன்னை நீயே புதைக்காதே
சிகரெட் !
உனக்கு மட்டுமல்ல
சுற்றி இருப்பவருக்கும் நோய்
சிகரெட் !
வெள்ளையன் கற்பித்த
வெள்ளை உயிர்க்கொல்லி
சிகரெட் !
எந்தப் பெண்ணும்
என்றும் விரும்பவில்லை
சிகரெட் !
தூக்கம் வர விழிக்க
தயாரிக்கவில்லை
சிகரெட் !
ஆதியில் இல்லை
பாதியில் வந்த தொல்லை
சிகரெட் !
தீங்குத் தரும் கங்கு
தீண்டாது ஒதுங்கு
சிகரெட் !
உடல் நலத்திற்குக் கேடு
உடனே சிந்தித்து விட்டுவிடு
சிகரெட் !
முயன்றால் முடியும்
முடிவெடு வேண்டாம் என்று
சிகரெட் !
சில்லரை விற்பனை மட்டுமல்ல
மொத்தமும் தடை செய்க
சிகரெட் ( வெண்சுருட்டு ) !
உயிரை அடிப்பான் கொள்ளை
உடையின் நிறம் வெள்ளை
வெண்சுருட்டு ( சிகரெட் )
தேள் படம் போட்டும்
கவலையின்றி சுவைக்கின்றான்
வருங்கால் மன நோயாளி ! ( பான்பராக் )
குடி குடி கெடுக்கும்
படித்து விட்டு குடிக்கின்றான்
படித்தவன் ?
—
