பேராசிரியர். திருமலர் மீரான்
இரண்டரை சதமான
ஏழைவரி ஜக்காத்
இவ்வுலக ஏழைகள்
ஏற்றம் பெறுவதற்கு
பூலோக நாதனின்
பொருளாதாரப் பிரகடனம் !
இறைவன் நமக்கு
இறைத்த செல்வத்தில்
இறைப் பிரதி நிதிகளான
இல்லாத மனிதர்க்கு
இதயம் மகிழ ஈவது
இறைவனுக்கு அளிக்கும்
இனிய கடனாகும் !
ஒன்றுக்கு பத்தாக
பத்துக்கு நூறாக
இந்த ஜக்காத்
பல்கிப் பெருகி
நல்குபவர்களையே
நாடிவரும் திண்ணம் !
வல்லான் இறையின்
பொருள் ஆதாரத்தின்
பெருநீர்ப் பாசனத்தால்
மேட்டு நிலத்திலிருந்து
ஓட்டுத் தாழ்வாரங்களில்
ஓடும் செல்வ நீரால்
அடிவாரங்கள் தழைக்கும் !
வருமானத்தின் மாசு
வடுக்களை நீக்கி
மானங்காக்கும்
வெகுமானத் திட்டம் !
நலிந்தவர் நலம் பெற
மெலிந்தவர் வளம்பெற
வலிந்தவர் வழங்கும்
வருமானத் திட்டம் !
உறுதொழில் செய்ய
உணவு ஊட்டிட
சொத்தில்லாதவர்க்கு
பாராள்பவன் அளிக்கும்
பொருள் ஊட்டச்சத்து !
மனித நேயம் சிறந்து
மானுடம் வளம்பெற
மாபெரியோன் வகுத்த
மறுமலர்ச்சித் திட்டம் !
பூவுலகம் எங்கும்
பொருள் வினியோகம்
பொங்கிப் பிரவேசிக்க
பூமி ஆள்பவன் நடத்திய
பெரும் பொருளாதாரப் புரட்சி !
அபராதத்திற்குப் பயந்து
அரசானையை ஏற்று
வரும் காலக் கெடுவுக்குள்
வருமான வரியை எல்லாம்
தவறாமல் செலுத்துகிறவர்கள்
இறை ஆணையை ஏற்று
ஏழைக் கட்டாய வரியை
தராமல் இருந்தால்
இறை நபி மொழி
எடுத்துக் கூறும்
தண்டனை நிச்சயம் !
நன்றி :
முஸ்லிம் முரசு
செப்டம்பர் 2012
