இளைய இந்தியாவின் கனவுத்தந்தை !
நீரில் மிதக்குது ராமேஸ்வரம்
கண் ணீரில் மிதக்குது.
உலகையெல்லாம் அன்பாலே
வெற்றிகண்ட தலைமகன்
உறங்குதற்கு உவப்போடு
வந்துவிட்டான் தாய்மண் !
இரண்டு நூற்றாண்டுகளில்
ஒன்றுகூடி
இந்தியாவே அழுதது
உன் இறப்பு செய்தி கேட்டு
மட்டும்தான்.
உன் முயற்சியால்
பொக்கிரான்
எதிரியை பயமுறுத்தியது.
உன் பயிற்சியால்
குறைந்த எடை செயற்கை காலோடு
என் சகோதரன்
நிற்கிறான்
என்ற மகிழ்ச்சிக்கு இணையேது?
நீ இரண்டாம் தேசத்தந்தை அல்ல.
இளைய இந்தியாவின்
கனவுத்தந்தை.
இனி
அமெரிக்கவின் அப்துல் கலாம்!
ஐரோப்பாவின் அப்துல் கலாம்!
ஆப்ரிக்காவின் அப்துல் கலாம்!
உருவாகக்கூடும்.
அதற்கு
உன் முயற்சியும் பயிற்சியுமே
கருவாக வாழும்.
மக்களோடு கலந்து வாழ்ந்தவன் நீ!
உன்னை ஏனோ
இரண்டு ஏக்கர் நிலத்தில்
தனிமைப்படுத்தி
விதைத்திருக்கிறார்கள்!
உன் வீரியம்
கடல் பூமி பரவி நிற்கும்.
அது உன்
கனவுகளுக்கு விடை கொடுக்கும்.
அப்துல் கலாம்-
உங்களுக்கு
அகிலத்தின் சலாம் !
— காயல் ஆர்.எஸ்.இளவரசு
தலைவர்
தமிழ்நாடு கேபிள் டிவி உரிமையாளர்கள் சங்கம்
98400 42255
Tags: இந்தியா கனவுத்தந்தை
