யார் இந்த தேவயானி? ஏன் இத்தனை கலவரம்?

அமெரிக்காவின் நியூயார்க் நகரில் உள்ள இந்திய தூதரகத்தின் துணைத்தூதராக இருந்தவர் தான் தேவயானி கோபர்கடே.

விசா மோசடி செய்ததாக வழக்கு பதியப்பட்டு அமெரிக்க போலீஸாரால் கைது செய்யப்பட்டார்.

இவரது கைது சம்பவம் தான் தற்போது இந்தியாவில் மட்டுமல்லாமல் உலகம் முழுவதும் பேசப்பட்டு வருகிறது.

ஒரு நாட்டின் அமைச்சர் என்ற மரியாதையை கடுகளவும் எதிர்பார்க்காதவர்கள் மட்டுமே அமெரிக்க செல்ல முடியும் என்ற எழுதப்படாத சட்டத்திற்கு ஆளாக்கப்பட்டவர்கள் நமது தேசத்தின் அமைச்சர் பெருமக்கள்.

இதை விட மன்னிக்கவே முடியாத ஒரு பெரும் கொடுமை நமது நாட்டின் குடியரசு தலைவராக இருந்த அமைதியின் இலக்கணம் மாண்புமிகு அப்துல்கலாம் அவர்கள் அரசு முறைப்பயணமாக அமெரிக்கா சென்றபோது,

 அமெரிக்க விமான நிலையத்தில் ஷூவை கழற்றச் சொல்லி சோதனையிட்டு நமது நாட்டின் ஜனாதிபதியையே அமெரிக்கா அவமானப்படுத்தியது,

யாரிடமும் அதிர்ந்து பேசாத,எல்லோரிடமும் இணக்கமாக பேசும் அமைதியின் மறு உருவம் நமது மாசற்ற ஜனாதிபதி அப்துல்கலாமையே அவமதித்த அமெரிக்காவின் அடாவடி நாய்களுக்கெதிராக அப்போதைய ஆட்சியாளர்கள் எடுத்த நடவடிக்கை என்ன?

முதுகெலும்புள்ள அரசாக இருந்திருக்குமானால் அப்போதே அமெரிக்காவுடனான ராஜ்ஜிய உறவை துண்டித்திருக்க வேண்டும்.

தற்போது ஒரு துணைத்தூதருக்கு ஏற்பட்ட அவமானத்திற்கெதிராக காட்டியுள்ள எதிர்ப்பின் கால்வாசி பங்கையாவது நமது நாட்டின் முதல் குடிமகனாக இருந்த அப்துல்கலாம் அவர்கள் அவமதிக்கப்பட்ட போது காட்டியிருந்தால் ஆணவ வெறிபிடித்த அமெரிக்க ஓநாய்களின் கொட்டம் அடங்கியிருக்கும்.

தற்போதைய துணைத்தூதர் தேவயானியை விசாமோசடி செய்த வழக்கில் தான் அவமானப்படுத்தினோம் எனக்கூறும் அமெரிக்க நாய்களிடம் நாம் கேட்பது இதுதான்,

மத்திய ராணுவ அமைச்சராக இருந்த ஜார்ஜ் பெர்னாண்டஸ் அவர்களும்,மத்திய விமான போக்குவரத்து துறை அமைச்சராக இருந்த பிரபுல் பட்டேல் அவர்களும்,நாட்டின் உயரிய பதவிக்கு சொந்தக்காரரான அப்துல் கலாம் அவர்களும் உனது நாட்டிற்கு வந்த போது அவமரியாதை செய்யப்பட்டதற்கு என்ன காரணம்?

இவர்கள் மீது என்ன தவறு இருந்தது?எதற்காக இவர்கள் அவமதிக்கப்பட்டார்கள்?

தற்போதைய மத்திய ஆட்சியாளர்களே,நாம் சுட்டிக்காட்டியுள்ள தலைவர்களை விடவா இந்த தேவயானி முக்கியத்துவம் பெற்றுள்ளார்?